مصطلحات صيد النيل (للهواه الجدد)

صطلحات صيد النيل (للهواه الجدد)

فيه كتير من اخوتنا المبتدئين مش عارفين المصطلحات او مسميات الصيد
فياريت الى عندة مصطلح انا نسيت اضيفة يتفضل يضيفه

نبدأ بسم الله

1 فرغت ضاعت يعني كانت جيه معاك و هربت في السكة..!!!

2 معومه السمكه عايمه مش هتاكل

3 مبوره موسم تكاثر الأسماك

4 الشميه منطقه دوامات

5 لطش شغل بالسبحه فى أوقات الجفاف

6 شغاله نار شغاله كويس جدااا

7 سرح الفله شغل ريم وطعم بتسريح لمسافات

8 كفافى قد كف الايد

9 مسنود ربع وانت طالع

10 خشن كيلو وانت طالع

11 ميه حاميه ميه فيها تيار

12 حواشت مسكت فى الحجر او فى شجره

13 عود جبر ناشف شغل لطش وحداف

14 عود رقع شغل ريم

15 عود صب شغل تقسيط بحر احمر

16 جداله او ملقاف لرفع السمك من الميه

17 وجله او شوكه لرفع الاسماك الكبيره

18 وش طويل/ يزيد عن متر

19 وش قصير/ الوش حسب الدور

20 تاوتاو علبه صاج بموصفات لعمل الشاى

21 قشر رصاص رصاي شريط

22 سنار عدل بدون اى شغل عدل

23 سنار عسلى نوع سنار

24سنار ابيض نوع سنار

25 سنار لاوقه سنار مكفى السلاح لأسفل

26 فله او غماز العوام اللى بتشتغل بيه

36 خيط رمال طعم 30 25 ريم 18 20

37 الخيط الأساسى طعم 30 40 ريم 25 30

38 الشرر سمك صغير

39 جربنديه & مخله شنطه الصيد

40 مدور بيكون بين الخيط الأساسى والرمال

41 منع مش بياكل خالص

42 الفله مش موزونه محتاجه رصاص

43 الفله غرقانه خف رصاص

44 حرر الفله محتاجه شريط رصاص خفيف

45 جرف موجود على كل الجزر فى النيل

46 ايس بوكس ثلاجه لحفظ الاسماك

47 نظبط طالعه/ بتكلم مع اصحابى على رحله

48 بشندى /على قده لسه ؟؟؟

49 قراري /صياد محترف فاهم للبحر بكل موعيده وادواره

شوية مصطلحات كمان على الماشي

دبلة اللبلوب :اسمها (برقع)

عصفورة المكنة : هي فرامل المكنة التي تسمح للسمكة بسحب الخيط و الجري

الغمازات : العوامات

أشكم : إجذب الخيط بقوة لضمان غرس السن في فم السمكة

بالعة: السمكة واخدة السن وبلعاه

مشففه:السن يا دوب ماسك في السمكة (ها توقع خد بالك…!! )

الدور: مكان الصيد

طلعة: رحلة صيد

الدور شغال: مكان السمك فيه كتير

الدور مريح: عكس “شغال”

ممنعه: ما بتاكلش

( العود- البوصة- الغابة ) وهو قصبة الصيد الى بنصطاد بيها ومنها (الرقع) يعنى الطرى او اللين ومنها ( الجبر ) الى بيكون ناشف وقوى

الترميل : ربط (السنون ) وبيرمل يعنى بيربط سنين لعمل وش يعنى مجوز والسنون المربوطة ومترملة تسمى وش

جرابندينه( شنطة كبيرة لعدة الصيد وهى الى بيوضع فيها العدة بتاعتنا)

عياشة ( منها البلاستيك ومنها السيلك بنحط فيها السمك ونزلة فى الماء علشان يفضل عايش لغاية مانروح)

اللبلوب: طرف البوصة او عود الصيد الدقيق وهو اللى بيعطى لك الآحساس بآكل السمكة

شرقها : إسحب السمكة بقوة وسرعة حتى تبتلع كثير من الماء لضمان إستسلام السمكة وخليها تشم الهوا

البوش : هو الجزء من الخيط الغير مشدود واللذي يجب لمه عشان تشعر بتنقير السمكة والشكم بطريقة سليمة

الحداف : الحدف فى داخل النيل رصاص بس بدون فله اى طريقه غاطسة لصيد ما فى القاع

لطش – تشميط : هو طريقة لأصطياد الأسماك بدون رغبتها فى الأكل عن طريق سن ثلاثى أو رباعى

2٬264 thoughts on “مصطلحات صيد النيل (للهواه الجدد)