الكاستنج والعدة الخفيفة (light tackle)

الكاستنج والعدة الخفيفة (light tackle)

الكاستنج والعدة الخفيفة (light tackle)

بقلم الزميل / Ahmed Farouk
هي منظومة خفيفة وتقدر تشتغل بيها طول اليوم من غير تعب وارهاق من وزنها وفنفس الوقت عدة صيادة ومن أمتع مايكون في الصيد لانك بتتعامل مع السمكة بالفن مش بالقوة

خلينا نركز أكتر حاجة علي وزن المنظومة لان ده عليه عامل كبير جداً ال50 جرام بيعملو فرق كبير مع الوقت وانت بتشتغل فمتستهونش بنقطة وزن العدة أبداً

مكوناتها بشكل عام

عود خفيف بكاست ويت خفيف وطول مناسب 2.7 مثلاً او علي حسب اختيارك

ماكينة مقاس 3000 تكون خفيفة وقوية وبدراج كويس وانتي ريفيرس

الخيط هنا بقى أهم حاجة اننا مش هنعتمد علي قوة الخيط وبس لاننا فالعدة الخفيفة بنعتمد اكتر علي الدراج فأنا محتاج خيط رفيع وقوي فنفس الوقت نوعية كويسة مثلا من 12 ل 15 ليبرا علشان المكينة صغيرة فانا محتاج احط عليها اكبر كمية خيط الي اقدر اتعامل بيه مع سمكة كبيرة نوعاً ما لو ضربت عليا

الليدر حنشتغل بليدر رفيع مثلاً 15 ليبرا وده حيزود فرص الضرب عليك حتي لو المياة مصفية لانه بيبقي رفيع وغير مرئي للسمك

اللورز والجيجات والبوبرات اختار اوزان خفيفة واحجام صغيرة مثلا من 7 ل 15 جرام

بكدة نقدر نكاست طول اليوم من غير تعب ونتمتع بالصيد وهتنتج سمك أكتر بالعدة الخفيفة بإذن الله

وبالتوفيق للجميع

اترك تعليقاً

لن يتم نشر عنوان بريدك الإلكتروني.