التسقيط .. وحركة المركب !!!!!

التسقيط .. وحركة المركب

التسقيط .. وحركة المركب !!!!!

من زمان و انا بصطاد من على مراكب و موضوع حركة السمكة فى المياه محيرنى

بمعنى ساعات تلاقى ناحية من المركب شغالة و الناحية الثانيه مريحة و ساعة تلاقى الريس يقول نطول أو نقصر اتنين ثلاثة متر أو أى مسافة كانت و تبتدى السمكة تاكل تانى لو كان الدور ريح !!

طب السؤال هو يعنى السمكة نطاق تحركها محدود جدا فى المياة حتى لا تصل الى الطعم لمسافة امتار قليلة على الرغم من رائحة الطعم القوية ايضا 😕
طبعا هو الصيد كله رزق من عند ربنا و احنا بنجتهد للمعرفه والأخذ بالأسباب

بسم الله الرحمن الرحيم

واضح إنك بتسأل عن التسقيط أثناء وقف اللنش بهلب يعنى أنتم واقفين على وعر وفى الوعر نوعين من السمك

النوع الاول

عائم فوق الارض مثل الموزه والكحله والبطاطا وهذا النوع يأكل على جانبى المركب حتى لو طولت الحبل وبعدت شويه عن المرمى السمك يسرح عليك

ـ النوع الثانى من السمك يسميه الصيادين سمك أرض مثل الشراغيش والجرجار والسبارس والدنيس وهذا النوع موجود فى حروف الوعر[حرف الصخر] الوعر فى البحر مثله مثل الصخر فى البر عالى وواطى وجبال عاليه ولك التخيل

سمك الارض يعيش فى الواطى من الوعر [حرف الوعر] وذلك لتلافى التيارات المائيه فساعات الريس يقول لك إحنا واقفين على بركه يعنى مكان واطى وحوله وعر عالى ومليان سمك

طب لو الريح غير يبقى بالتالى مكان المركب إتغير ووجب على الريس تعديل وضع المركب بحبل الهلب إما بالتطويل أو التقصير من ا لحبل أوتغير وضعه من يمين المركب إلى يسارها أما يشيل ويرمى الهلب ثانى بوضع الريح الجديد وهذا يرجع لخبرة الريس بس إيه رأيك لو تسقط من الجنب إللى بتاكل فيه السمكه

المركب وحركة الريح

لو افترضنا ان الريح شمالى يبقى وش المركب فى اتجاه الشمال .. تمام !!!
يبقى الجنب اليمين من المركب فى اتجاه الشمس الشرق)
وشمال المركب فى الظل (الغرب)

الكلام ده فى الصباح

حضرتك معايا دلوقتى فى المركب ومتخيل الوضع تمام !!!!!

لو افترضنا ان تيار الميه جاى من شمال المركب يعنى الميه نزول
يبقى اللى فى شمال المركب خيطه داخل تحت المركب وملامس خشب المركب وفاقد الحس بالخيط

والسمكه مع التيار بعيده عنه يعنى قاعد يزفر للجنب التانى اللى شغال على ودنه وينقلب الوضع اخر النهار واحنا عارفين ان التيار كل 6 ساعات

ولذلك يفضل الصيد فى الغزير(الأماكن العميقه) فى طلوع الميه-
وعلى العوارى (مناطق الصخور والشعاب المرجانيه الضحله) فى النزول
———————
شكر خاص لكلاً من .
الريس سامح أبو مصطفى
الريـــــس غــــريــب
victorwilliam
منتدى نادي صيد الأسماك المصري

اترك تعليقاً

لن يتم نشر عنوان بريدك الإلكتروني.